Azərbaycan, Bakı, 21 avqust/Trend, müxbir N.İsmayılova/
İyulda Bakının avtomobil bazarında mövsüm üçün xarakerik olan passivlik davam edib. Bu barədə "Əmlak Bazarı İştirakçıları" İctimai Birliyindən bildiriblər.
Son dörd ay ərzində avtomobil bazarında passivlik tendensiyası təkliflərin azalması üzündən kəskinləşərək alqı-satqı müqavilələrinin bağlanması dinamikasında azalmanı daha da dərinləşdirib və qiymətlərə təsir edib.
İyulda təkrar avtomobil bazarında təkliflərin 11,5 artması baş verib ki, bu da onun ikinci bazarda artması ilə bağlıdır. İyulda real tələbin həcminin artması davam edib. Müraciətlərin sayının azalması ilə bağlı avtomobil alqı-satqısına dair bağlanmış müqavilələrin dinamikası 2,7 faiz azalıb.
İyulda avtomobillərin orta qiyməti apreldə olduğu kimi 15150 dollar təşkil edərək ay ərzində 1,5 faiz azalıb.
Bakının avtomobil bazarında müşahidə olunan passivlik avtomobikllərin ekspozisiya müddətinin artmasına da təsir edib ki, bu da risk səviyyəsinin artmasına gətirib çıxarıb. İyunda avtomobil bazarında likvidlik əmsalı son üç ildə ən aşağı səviyyəyə enib.
Ümumilikdə bazara 7450-dən çox avtomobil təklif olunub ki, onlardan yalnız 35,8 faizi iyulda təklif olunub, yerdə qalan 64,2 faiz əvvəlki aylardan bazarda qalıb. Köhnə buraxılış ilinə malik avtomobillərin bazara 4 ay davam edən kütləvi axını iyulda daha da kəskinləşib.
Bakının avtomobil bazarında artıq üç ildir liderlik edən "Mercedes-Benz" alman markalı avtomobillərin payı iyunda 8,8 faiz azalaraq bazarın ümumi portfelinin 37,2 faizini təşkil edib.