Azərbaycan, Bakı, 22 oktyabr /Trend, müxbir A.Axundov/
Yanvar-sentyabr ayları ərzində Azərbaycanda həyat sığortası üzrə yığımların strukturunda əksər hissəni 217,18 min manatlıq ödənişlə 666,42 min manat məbləğində həyatın sığortalanması üzrə sığorta pulları təşkil edib. Bu barədə cümə günü Azərbaycan Maliyyə Nazirliyindən bildiriblər.
Ölüm hallarının sığortalanması üzrə sığorta pulları 43,55 min manat ödənişlə 406,04 min manat olub.
Həyat sığortası üzrə sığorta pullarının ümumi həcmi 260,73 min manat ödənişlə (0,73 faiz) 1,072 min manat (sığorta haqlarının ümumi portfelinin 0,91 faizi) təşkil edib.
"Non-life" sığortanın əsas hissəsi 61,98 milyon manat sığorta pulu ilə və 14,89 milyon manatlıq ödənişlə mülkiyyətin sığortalanmasının payına düşür. Fərdi sığortalanma üzrə 13,88 milyon manatlıq ödənişlə 23,78 milyon manat, vətəndaş məsuliyyəti üzrə 126,97 min manatlıq ödənişlə 7,98 milyon manat, kreditlərin sığortalanması üzrə 252,11 min manatlıq ödənişlə 210,93 min manat sığorta pulu yığılıb.
Digər sığortalar üzrə sığorta pullarının ümumi məbləği 29,16 milyon manatlıq ödənişlə 93,95 milyon manat təşkil edib.
İcbari sığortalanma növləri üzrə hərbçilərin dövlət fərdi sığortalanması 4,996 milyon manatlıq ödənişlə 10,716 milyon manat, yanğından sığortalanma 243,79 min manatlıq ödənişlə 5,57 milyon manat, məhkəmə və hüquq-mühafizə orqanları əməkdaşlarının dövlət fərdi sığortalanması 600,53 min manatlıq ödənişlə 3,05 milyon manat, nəqliyyat vasitələri sahiblərinin mülki məsuliyyət sığortası 503,23 min manatlıq ödənişlə 2,926 milyon manat, dövlət qulluqçularının sığortalanması isə 11,55 min manatlıq ödənişlə 109,47 min manat səviyyəsində olub.
İcbari sığorta üzrə sığorta pullarının ümumi məbləği bu müddət ərzində 6,37 milyon manatlıq ödənişlə 22,94 milyon manat olub.
İlk üç rübün yekunlarına görə, ölkədə fəaliyyət göstərən bütün şirkətlərin sığorta pullarının məbləği 117,96 milyon manat olub, hesabat dövrü ərzində ödənişlər isə 35,79 milyon manat məbləğində həyata keçirilib.
Ötən ilin analoji dövrü ilə müqayisədə sığorta pullarının ümumi məbləği 9,38 faiz (130,18 milyon manat), ödənişlər isə 6,35 faiz (38,22 milyon manat) azalıb.
Maliyyə Nazirliyinin yanvar-sentyabr üçün hesabatında yeganə təkrar sığorta şirkəti "AzRE"nin fəaliyyətinin yekunları göstərilməyib.