Azərbaycan, Bakı, 8 noyabr /Trend, müxbir A.Axundov/
Azərbaycanın sığorta şirkəti "Paşa Sığorta"nın yığımlarının 98 faizdən çoxu sığortanın könüllü növünün payına düşür. Bu barədə şirkətin doqquz aylıq hesabatında deyilir.
Şirkətin doqquz ay ərzində yığımlarının ümumi həcmi 10,806 milyon manat təşkil etdiyi halda, təzminatların həcmi 1,746 milyon manata çatıb.
Şirkət ölüm hallarından həyat sığortası üzrə 69 090 manat yığıb, 34 466 manat ödəyib.
Şirkət istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarının sığortasından 65 414 manat yığıb, 77012 manat ödəyib. Avtonəqliyyat vasitələrinin sığortası üzrə 1,917 milyon manat yığıb, 247 294 manat ödəyib, hava nəqliyyatı vasitələrinin sığortası üzrə 39413 manat, dəniz gəmilərinin sığortası üzrə 442290 manat, əmlakın digər növlərinin sığortalanması üzrə 5,566 milyon manat (51269 manat ödənişlə), yüklərin sığortası üzrə 136 554 manat (33927 manat ödənişlə), tibbi sığorta üzrə 1,68 milyon manat (1,29 milyon manat ödənişlə), vətəndaş məsuliyyətinin sığortası üzrə 713845 manat, hava nəqliyyat vasitələri sahiblərinin mülki məsuliyyət sığortası üzrə 1 213 manat yığıb.
Şirkət sığortanın icbari növü üzrə 174369 manat yığıb, onlardan 12883 manat nəqliyyat vasitələri sahiblərinin icbari sığortası, 144 310 manat yanğından icbari sığorta, 17176 manat sərnişinlərin icbari sığortası üzrə olub.
Şirkət nəqliyyat vasitələri sahiblərinin icbari sığortası üzrə 11796 manat ödəyib.
"Paşa Sığorta" "Paşa Holdinq" qrupunun üzvüdür və sığortanın 30 növü üzrə korporativ və fərdi müştərilərə xidmət göstərir. 20 milyon manat nizamnamə kapitalı və 28 milyon manat ümumi aktivləri ilə "Paşa Sığorta" kapitallaşdırmanın həcminə görə, ölkənin ilk üç sığortaçısı siyahısına daxil olmaqla, sığorta sektorunda biznesin rentabelliliyini qorumaqda ən yüksək göstəricilərə malikdir. Şirkətin nizamnamə kapitalı 20 milyon manatdır.
2007-ci ildən "Paşa Sığorta" Böyük Britaniyanın "Moody International" agentliyi tərəfindən sığorta məhsullarının ISO 9001:2000 keyfiyyət idarəetmə standartlarına və xidmətlərinə uyğunluq səviyyəsinə görə sertifikatla təltif olunub. 2009-cu ildən etibarən, "Paşa Sığorta" BMT-nin insan hüquqlarının, ətraf mühitin müdafiəsi və korrupsiyanın qarşısının alınması üzrə Qlobal Müqaviləsinin (UN Global Compact Initiative) iştirakçısıdır.
Noyabrın 8-nə olan rəsmi məzənnə 0,7999 AZN/USD təşkil edir.
