Azərbaycan, Bakı, 29 noyabr /Trend, müxbir A.Axundov/
Dubayda yerləşən Birləşmiş Ərəb Əmirliklərinin böyük mehmanxana operatorlarından biri olan "Jumeirah Group" şirkəti Azərbaycanın tikinti şirkəti "Azinco" ilə açılması 2011-ci ilə planlaşdırılan yeni VENU Bilgah Hotel-in idarə edilməsinə dair saziş imzalayıb. Bu barədə şirkətin bazar ertəsi yayılan məlumatında deyilir.
Hotel dənizə mənzərəsi daxil olmaqla, 176 nömrədən, sutka ərzində fəaliyyət göstərən restoran və bardan, eləcə SPA-mərkəzdən, konfrans mərkəzindən və 14 kottecdən ibarət olacaq.
Layihəni yerli arxitektor Nazim Vəliyev hazırlayıb.
VENU Bilgah Hotel "Jumeirah Group"un 49-cu layihəsi və bu şirkətin Azərbaycanda ilk layihəsidir.
2006-cı il iyunun 5-də Azərbaycan Ədliyyə Nazirliyində qeydiyyatdan keçən "Azinco Holding" beş şirkəti birləşdirir. Bunlar "Atilla-İnşaat" MMC, "Zəfər Ko" MMC, "AZ-IN-KO" MMC, "Nəsildən nəsilə" MMC və "Regional-İnşaat" MMC-lərdir.
"Jumaireh Group" Dubay hökumətinə məxsus olan "Dubay Holding"ə daxildir.