Azərbaycan, Bakı, 18 dekabr /Trend, müxbir N.İsmayılova/
İsveçrənin İqtisadi Məsələlər üzrə Dövlət Katibliyi (SECO) və Azərbaycan hökuməti dövlət sektorunda hesab layihəsi (CAPSAP) üzrə qrant sazişi imzalayıblar. Bu barədə Trend-ə SECO-nun Azərbaycandakı nümayəndəsi Filip Keller deyib.
"Saziş keçən həftə imzalanıb. SECO ölkənin Hesablama Palatası ilə birgə həyata keçirilən layihənin subkomponentinin maliyyələşdirilməsinə iki milyon dollar həcmində qrant ayırır", - Keller bildirib.
Layihə Dünya Bankının vəsaitləri, Yaponiya, SECO və Azərbaycan hökumətinin qrantları sayəsində maliyyələşdirilir. Layihənin ümumi dəyəri 24 milyon dollar təşkil edir. Layihə üzrə kredit sazişi 2008-ci ilin sentyabrında imzalanıb. Layihənin həyata keçirilməsi 2012-ci il dekabrın sonunadək davam edəcək.
Layihə DB-nin 11 milyon dollar məbləğində krediti, Yaponiyanın PHRD fondunun (3 milyon dollar) və SECO-nun (2 milyon dollar) qrantları və Azərbaycan hökumətinin payı (8 milyon dollar) hesabına maliyyələşdirilir.
Azərbaycan kommersiya sektoru üçün artıq 28 milli standart hazırlayıb. Dünyada maliyyə hesab və auditin 35 standartı mövcuddur. Ölkədə IRFS-ə keçid dövlət sektoru üçün 2008-ci il yanvarın 1-dən başlayıb.