...

"Bank Avrasiya" yeni iki növ depozit təqdim edib

Biznes və iqtisadiyyat xəbərləri Materials 12 Yanvar 2011 15:08 (UTC +04:00)

Azərbaycan, Bakı, 12 yanvar /Trend, müxbir N.İsmayılova/

"Bank Avrasiya" yeni iki növ depozit təqdim edib - "Klassik" və "Qənaətcil". Bu barədə çərşənbə günü bankdan məlumat verilib.

"Klassik" əmanət illik tarif üzrə 14 faizədək yerləşdirilir və lazım olarsa, depozitin müddətinin uzadılması mümkündür. "Qənaətcil" əmanəti 11 faizədək alınır və istənilən vaxt əmanətin məbləğinin artırılması, həmçinin onun kapitallaşdırılması imkanını təqdim edir. Əmanətlərin hər iki növü 6, 12 və 24 ay müddətinə manat, dollar və avro ilə alınır.

Bankda əmanət qoyan müştərilərə pulsuz plastik kart, həmçinin əmanətin məbləğinin 80 faizi həcmində kredit xəttinin açılması imkanı təqdim olunur.

"Bank Avrasiya" Azərbaycan Əmanətlərin Sığortalanması Fondunun üzvüdür.

"Bank Avrasiya" 2007-ci ilin noyabrından fəaliyyət göstərir. 2009-cu ilin aprelində Sumqayıt şəhərində bankın ilk flialı açılıb.

Xəbər lenti

Xəbər lenti