Azərbaycan, Bakı, 18 yanvar /Trend, müxbir N.İsmayılova/
2010-cu il ərzində Azərbaycanın bank olmayan kredit təşkilatı "TBC Kredit"in kredit portfeli 19 faiz artıb. Bu barədə çərşənbə axşamı şirkətdəki mənbə deyib.
"Yanvarın 1-nə olan məlumata görə, kredit portfelinin həcmi 19,3 milyon manat təşkil edib, aktiv kreditlərin sayı 1973-ə çatıb", - şirkətdən deyiblər.
Kreditlərin ümumi həcmindən biznes-kreditlərin payına 43 faiz, mikrobiznes kreditlərə 11 faiz, ipoteka kreditlərinə 28 faiz, istehlak kreditlərinə 18 faiz düşür.
TBC Kredit Bank Olmayan Kredit Təşkilatı Azərbaycanda 1999-cu ildən fəaliyyət göstərir. 2007-ci ilin dekabr ayından şirkətin 75 faizi Gürcüstanın aparıcı bankı olan TBC Bank-a, 25 faizi isə ShoreBank International Ltd. şirkətinə məxsusdur. Təşkilatın nizamnamə kapitalı 10 milyon dollar təşkil edir.
