Azərbaycan, Bakı, 7 fevral /Trend, müxbir N.İsmayılova/
Azərbaycan Mərkəzi Bankının müəyyən etdiyi 10 milyon manat həcmində nizamnamə kapitalının minimum səviyyəsi yüksək deyil və bugünkü tendensiyalara tam cavab verir. Bu barədə bazar ertəsi Azərbaycan Bank Tədris Mərkəzinin direktoru Cavanşir Abdullayev deyib.
"Kapitalın artırılması həm bankların özü, həm də gələcək inkişafı üçün vacibdir. Banklar kiçik kapitalları olduğuna görə, bir qayda olaraq böyük layihələri maliyyələşdirə bilməzlər", - Abdullayev deyib.
Onun sözlərinə görə, bu günə AMB-nin statistikasına əsasən, nizamnamə kapitalı müəyyən olunmuş normadan aşağı səviyyədə olan daha iki bank var. Ölkənin Mərkəzi Bankı artıq üç bankın lisenziyasını geri götürüb - Birlik Bank, Kovser Bank və Debut Bank.
AMB-nin məlumatına əsasən, dekabr ayında Azərbaycan bank sektorunun kapitallaşdırılması 0,3 faiz azalıb, 2010-cu ildə isə 8,2 faiz artaraq 2169,12 milyon manat artıb.
Fevralın 7-nə olan rəsmi məzənnə 0,7961 AZN/USD təşkil edir.
