Gürcüstan, Tbilisi, 11 mart /Trend, müxbir N.Kirsxaliya/
2010-cu ildə Gürcüstana birbaşa investisiyalar 2009-cu illə müqayisədə 16 faiz azalıb. Gürcüstan Statistika Komitəsilin ilkin məlumatlarına görə, ötən ilin dördüncü rübündə xarici investisiyaların həcmi 120 milyon dollar, il ərzində isə 553 milyon dollar təşkil edib.
2010-cu ildə Gürcüstan iqtisadiyyatına iri investor 143 milyon dollar yatıran Niderland olub. İkinci yerdə 108 milyon dollarla ABŞ, üçüncü yerdə isə 51 milyon dollar yatıran Rusiyadır.
Ötən il investisiyaların 50 milyon dolları beynəlxalq təşkilatlar, 47 milyon dolları Azərbaycan, 40 milyon dolları Birləşmiş Ərəb Əmirlikləri, 38 milyon dolları isə Türkiyə tərəfindən yatırılıb, qalan 76 milyon dollar digər investorların payına düşür.
