Azərbaycan, Bakı, 12 may /Trend, müxbir N.İsmayılova/
Azərbaycanda avtomobil alışı üzrə kreditlərin verilməsi şərtləri yumşaldılıb. Trend-in məlumatına görə, bu barədə Azərbaycanın lider avtomobil istehsalçılarının nümayəndəliklərindən bildiriblər. Avtosalonlardan verilən məlumata görə, tərəfdaş banklar kreditləşmə şərtlərini yumşaldıblar, müddətə və faiz dərəcələrinə yenidən baxılıb, nəticədə kreditin verilməsi şərtləri daha yumşaq olub.
BMW avtosalonundan deyiblər ki, indi salon BTB Bank vasitəsilə ilkin ödənişi 30 faiz olmaqla bir il üçün illik 15 faizlə və 3 il kredit üçün 17 faizlə satış həyata keçiir. Əvvəllər də kreditləşmə 5 il müddətinə illik 19 faizlə verilib.
KİA avtosalonu "Unibank", "Bank of Baku", BTB Bank-Azərbaycan, BTB Bank və Azərbaycan Beynəlxalq Bankı vasitəsilə avtomobillərin satışını həyata keçirir. Kreditin verilməsinin minimal şərtləri bunlardır: ilkin ödəniş 15 faiz, kredit bir ildən beş ilədək illik 17-18 faizlə verilir. Əvvəllər minimal ilkin ödəniş 20 faiz olub.
Mazda avtosalonundan bildiriblər ki, salon "Bank Respublika" ilə əməkdaşlıq edir və avtomobilin kreditlə alışı ilkin ödəniş 20 faiz, 14 fazidən 16 faizədək illik faizlə 5 ilə müddətinədək mümkündür. Əvvəllər kredit illik 12 faizlə və 30 faiz ilkin ödənişlə verilirdi. Əvvəllər salon "DəmirBank" ilə əməkdaşlıq edib.
Subaru avtosalonundan bildirilib ki, salon "Bank Respublika" ilə əməkdaşlıq edir və avtomobilin kreditlə alışı ilkin ödəniş 20 faiz, 14 faizdən 17 faizədək illik faizlə 5 ilə müddətinədək mümkündür. Əvvəllər ilkin ödəniş 30 faiz, illik faiz dərəcəsi 21 faiz olub.
Toyota avtosalonundan məlumat verilib ki, avtomobillərin krediti "Amrah Вank" vasitəsilə həyata keçirilir. Kreditlər 10 faiz ilkin ödənişlə illik 21 faiz dərəcəsi ilə verilir. Əvvəllər kreditlər 3 ilədək müddətə verilirdi, minimal ilkin ödəniş 20 faiz təşkil edib.
Hyundai avtosalonu avtomobillərin kreditlə satışını "Bank of Baku" və "Unibank" ilə 15 faiz ilkin ödənişlə, illik 20-21 faiz dərəcəsi ilə 5 ilədək müddətə həyata keçirir. Əvvəllər minimal ilkin ödəniş kredit 3 il müddətinə verilən zaman 20 faiz olub.
