...

Azərbaycan Dəmir Yolları sərnişindaşımaların həcmini azaldıb

Biznes və iqtisadiyyat xəbərləri Materials 25 İyun 2011 15:47 (UTC +04:00)

Trend-i buradan izləyin


Azərbaycan, Bakı, 25 iyun /Trend, müxbir E.İsmayılov/
Yanvar-mayda " Azərbaycan Dəmir Yolları " 1,5 milyon sərnişin daşıyıb ki, bu da ötən ilin analoji dövrünün göstəricisindən 25 faiz azdır. Bu barədə şənbə günü QSC-dəki mənbə bildirib.
Onun sözlərinə görə, sərnişindaşımanın azalmasının əsas səbəbi Dağıstan əraziasində Rusiyanın dəmir yollarında tez-tez baş verən partlayışlar və vətəndaşların bu məsələ ilə bağlı narahatçılıqları olaraq qalır.
"Qatarların yeni hərəkət qrafiki tətbiq olunub ki, bu da vəziyyətin nisbətən yaxşılaşmasına gətirib çıxarıb, lakin sərnişindaşımanın həcmi hələ də aşağı səviyyədə olaraq qalır", - mənbə deyib.
QSC 2010-cu ildə 2009-cu ildəki 6,23 milyon sərnişinə qarşı 4,8 milyon sərnişin daşıyıb.
Dövlət Statistika Komitəsinin məlumatına görə, ötən il Azərbaycanın nəqliyyat sektorunda 196,3 milyon ton müxtəlif yüklər, 1,4 milyard sərnişin daşınıb.

Xəbər lenti

Xəbər lenti