Azərbaycan, Bakı, 4 iyul /Trend, müxbir İ.Xəlilova/
Azərbaycan bankı "Texnika Bank" Müşahidə Şurasının qərarı ilə regional ekspansiyanı genişləndirməyi planlaşdırır.
Trend-ə bazar ertəsi bankın idarə heyətinin sədri Samir Hüseynovun dediyinə görə, bank Mərkəzi Banka Qazax, Şəmkir, Ağstafa, Şəki, Astara və Lənkəranda yeni şöbələrin açılması ilə bağlı müraciət edib. Son iki rayon üzrə müraciətlər Mərkəzi Banka bazar ertəsi göndərilib.
İlin sonunadək bank şöbələrinin sayını 15-ə çatdırmağı planlaşdırır. Hazırda bankın ölkə üzrə 35 filialı və 4 şöbəsi var.
"Biz ölkənin bütün regionlarında bank xidmətlərindən istifadənin mümkün olmasını istəyirik, - Hüseynov qeyd edib. - Bu, həm də ona görə mümkün olacaq ki, bankın bütün şöbə və filialları optik-lif rabitə vasitəsilə bir-biri ilə birləşdiriləcəklər və "Texnika Bank"ın yeni struktur bölmələri artıq "Temenos" şirkətinin proqram təminatı əsasında yaradılacaq".
İyulun 1-nə olan vəziyyətə görə, bankın aktivləri 546 milyon manat təşkil edərək ilin əvvəlindən 10,3 faiz artıb. Kredit portfeli 413 milyon dollar, depozit portfeli isə 270 milyon manat təşkil edib. Hesabat dövrünün yekunlarına görə, "Texnika Bank"ın məcmu kapitalı 99,447 milyon manat, o cümlədən nziamnamə kapitalı 64,755 milyon manat təşkil edib.
2011-ci ilin yekunlarına görə, bank aktivlərin 30 faiz artacağını gözləyir.
"2006-2007-ci illrədə bankın aktivləri üçrəqəmli göstəricilərlə artıb, son 2-3 ildə biz fikrimizi istitusional inkişafa cəmləmişik və aktivlərin artımı 10 faizdən 15 faizədək olub. İndi biz ikinci artım dalğasına hazırıq və aktivlərin ilin yekunları üzrə 30 faiz səviyyəsində artımını gözləyirik", - bundan əvvəl Hüseynov bildirimişdi.
Onun sözlərinə görə, 2011-ci ilin sonuna bankın aktivləri 650 milyon manata çata bilər.
"Texnika Bank" bank bazarında 1993-cü ildən fəaliyyət göstərir və 2007-ci ilədək 100 faiz Azərbaycan bankı olub. Bu gün bankın majoritar səhmdarı kimi "World Wines" şirkəti çıxış edir. Şirkət bankın səhmlərinin 75 faizinə sahibdir. Bankın Müşahidə Şurasının sədri Etibar Əliyev səhmlərin 15 faizinə, ABŞ-ın "Kazimir Investment Caspian Fund" holdinqi isə səhmlərin 10 faizinə nəzarət edir.
İyulun 4-nə olan rəsmi məzənnə 0,7868 AZN/USD təşkil edir.