...

Bakıda daşınmaz əmlakın ekspozisiya müddəti illik minimuma çatıb

Biznes və iqtisadiyyat xəbərləri Materials 2 Sentyabr 2011 20:23 (UTC +04:00)

Azərbaycan, Bakı, 2 sentyabr /Trend, müxbir A.Axundov/

Avqustda daşınmaz əmlakın ekspozisiya müddəti Bakının təkrar mənzil bazarında 1,4 faiz azalaraq 140 gün təşkil edib. Trend-in məlumatına görə, bu barədə MBA LTD şirkətinin saytında dərc olunan məlumatda deyilir.

Şirkətin tədqiqatında qeyd olunur ki, bu, daşınmaz əmlak bazarının canlanması üçün mövsümi ayların başlanmasından xəbər verir.

Ötən ilin sentyabr ayında ekspozisiya müddəti 141 gün, oktyabrda 144, noyabrda 142, dekabrda 145, 2011-ci il yanvar ayında 148, fevralda 149, martda 143, apreldə 147, mayda 145, iyunda 148, iyulda isə 142 gün olub. Beləliklə, avqustda bu göstərici illik minimuma çatıb.

"Son zamanlar dünya maliyyə və fond birjalarında müşahidə olunan nisbi stabillik Bakının daşınmaz əmlak bazarına öz təsirini göstərib və yaxın aylarda həmin təsirin saxlanılması gözlənilir", - şirkət bildirir.

Xəbər lenti

Xəbər lenti