Azərbaycan, Bakı, 2 dekabr / Trend, müxbir N.İsmayılova /
MDB-nin Maliyyə-Bank Şurası (MBŞ) və Azərbaycan Beyəlxalq Bankı (ABB) islam bankının yaradılması üzrə birgə işlərə başlayıb. Trend-in məlumatına görə, bu barədə cümə günü jurnalistlərə MDB Maliyyə-Bank Şurasının Əlaqələndirmə Şurasının sədri Anatoli Kazakov bildirib.
"Maliyyə-Bank Şurası bu mövzunu onunla əlaqədar qaldırır ki, bu gün, dünya böhranı dövründə islam məhsulları kimi yeni alətlərin olması çox vacibdir. Onlar layihələri onlardakı pay iştirakı vasitəsilə maliyyələşdirməyə imkan verir və investisiya yönümlü olurlar. İslam pulları bu gün bizə iqtisadiyyatın modernləşdirilməsi üçün lazım olan çox və kifayət qədər ucuz pullardır", - Kazakov deyib.Onun sözlərinə görə, MDB MBŞ Azərbaycan Beyəlxalq Bankı ilə birgə islam bankının yaradılması üzərində işləyir və bu işlər hələlik yalnız ən başlanğıc mrhələsindədir.
"Burada çoxlu aspektlər var və bunun önündə bank qanunvericiliyində düzəlişlərin edilməsi gedəcək. Yaradılan bankın investisiya bankı kimi qeydiyyata almağa bizə heç nə mane olmasa da, sonra qanunvericilikdə düzəlişlər etmək lazım gələcək", - o deyib.
Onun sözlərinə görə, borc böhranı dövründə Avropa banklarının kapital axını gedir. "Öz növbəsində, Şərqdə yaxşı bazarlara yönəlməli olan çoxlu pul toplanıb və bu aspektdə MDB bazarı ən cəlbedicilərdən biridir", - Kazakov hesab edir.
"Biz hələlik variant axtarışı mərhələsindəyik, lakin gələcək müzakirələrin aparılması üçün bir sıra görüşlər keçiriləcək. Bank ya Azərbaycanda, ya da Rusiyada yaradılacaq. Lakin o bütün MDB bazarlarını kreditləşdirəcək", - o deyib.
Kazakovun sözlərinə görə, burada dövlətin fəal iştirakı vacibdir, çünki bir çox mənfi nümunələr mövcuddur. "Lakin dövlət tərəfindən sərt tənzimləmə olarsa, bu mümkündür", - o deyib.
"Rusiya qanunvericiliyi investisiya bankı kimi işləyə biləcək islam bankının fəaliyyətinə icazə verir", - Kazakov deyib.
ABB 1992-ci ildə "Vneşekonombank"ın Azərbaycan şöbəsinin varisi qismində yaradılıb.
ABB ölkənin bank sektorunda dominant vəziyyəti tutur. Bankın nizamnamə kapitalında dövlətin payı 50,2 faiz təşkil edir, digər paylar isə hüquqi və fiziki şəxslər arasında bölüşdürülüb.
