Azərbaycan, Bakı, 9 dekabr /Trend, müxbir A.Axundov/
Hazırda ötən ilin mayında Kür və Araz çaylarının daşması nəticəsində evsiz qalan vətəndaşlar üçün təxminən 4 min ev tikilib. Trend-in məlumatına görə, bu barədə cümə günü Azərbaycan FHN-in Tikintidə Təhlükəsizliyə Nəzarət üzrə Dövlət Agentliyi rəisinin müavini Elxan Əsədov Xəzər-Avropa İnteqrasiya İşgüzar Klubunun üzvləri ilə görüşdə deyib.
"FHN təbii fəlakətin fəsadlarının və onların aradan qaldırılmasının öyrənilməsi üzrə işləri davam etdirir. Bu, davamlı prosesdir, belə ki, bəzi fəsadlar yalnız indi aşkar edilir. Bununla yanaşı, yaxın vaxtlarda biz bu işləri başa çatdırmağı planlaşdırırıq", - Əsədov bildirib.
Onun sözlərinə görə, daşqınlar nəticəsində zərər çəkən 10 mindən artıq ailə artıq ümumilikdə 13 milyon manat həcmində maddi yardım alıb.
"Həmçinin, təxminən 13 min kənd təsərrüfatı dəymiş ziyanın ödənilməsi qismində təxminən 6 milyon manat alıb" , - Əsədov vurğulayıb.
Dekabrın 9-na olan rəsmi məzənnə 0,7865 AZN/USD təşkil edir.
