Аzərbaycan, Bakı, 5 yanvar /Trend, müxbir N.İsmayılova/
Azərbaycan Mərkəzi Bankı (AMB) noyabr ayındadövriyyədə olan pul kütləsinin (dövriyyədəki nağd pulların (banklardan kənarda) və maliyyə təşkilatlarının (kredit təşkilatlarından başqa) və fiziki şəxslərin hesablarındakı milli valyuta vəsaitləri qalıqlarının) (M2) 2,5 faiz, 2011-ci ilin analoji dövrü ilə müqayisədə isə 34,7 faiz artdığını bəyan edib. Bu barədə cümə axşamı AMB-nin məlumatında bildirilir.
Belə ki, 2011-ci il dekabrın 1-nə olan vəziyyətə görə, M2 göstəricisi 9991,9 milyon manat təşkil edib. Noyabrın əvvəlində bu rəqəm 9748,6 milyon manat, 2010-cu ilin dekabrın 1-də isə 7417,7 milyon manat olub.
2011-ci il dekabın 1-nə olan vəziyyətə görə, nağd pul kütləsi (M0) 6529,4 milyon manat təşkil edib. Noyabrın əvvəlində bu rəqəm 6505,3 milyon manat, 2010-cu ilin dekabrın 1-də isə 4994,3 milyon manat təşkil edib.
Genişlənmiş pul kütləsi (Broad Money Supply (M3) ötən il dekabrın əvvəlinə 12830,2 milyon manat, noyabrın əvvəlində 12652,2 milyon manat, 2010-cu ilin dekabrın 1-də isə 9620,8 milyon manat təşkil edib.
Dekabrın əvvəlinə sövdələşmələr üçün məbləğlər (transaction money (M1) 8027,8 milyon manat, noyabrın əvvəlində 7835,8 milyon manat, 2010-cu il dekabrın 1-də isə 5964 milyon manat təşkil edib.
Yanvarın 5-nə olan rəsmi məzənnə 0,7865 AZN/USD təşkil edir.
