Azərbaycan, Bakı, 11 fevral /Trend, müxbir N.İsmayılova/
2011-ci ilin dekabrında Azərbaycanda mənfəətlə işləyən bankların sayı 31ədəd təşkil edib, 2011-ci ilin noyabrı və 2010-cu ilin dekabrı ilə müqayisədə bir bank azalıb. Bu barədə şənbə günü Azərbaycan Mərkəzi Bankından (AMB) məlumat verilib.
Dekabr ayı ərzində bank sisteminin ümumi mənfəəti 187,63 milyon manat təşkil edib ki, bu da noyabr ilə müqayisədə 29 faiz, 2010-cu ilin dekabrına nisbətən isə 13,1 faiz çoxdur.
Noyabra nisbətdə zərərlə işləyən bankların sayı bir bank artıb, illik hesablamada isə dətyişməz qalıb. Nəticədə 13 bankın zərəri 46,26 milyon manat təşkil edib ki, bu da noyabr ayındakı göstəricidən 33,6 faiz, ötən ilin dekabrının yekunlarından isə 1,5 faiz çoxdur.
Bankların fəaliyyətinin maliyyə nəticələri (vergilər ödənildikdən sonra) milyon manatla:
|
Dövrlər |
Mənfəətlə işləyən bankların sayı |
Bank sisteminin ümumi mənfəəti (mənfəətli banklar üzrə) |
Zərərlə işləyən bankların sayı |
Bank sisteminin ümumi zərərləri (zərərlə işləyən banklar üzrə) |
Bankların aldığı yekun mənfəət (+) və ya zərər (-) |
|
01-01-2011 |
32 |
165,84 |
13 |
45,57 |
120,27 |
|
01-01-2012 |
31 |
187,63 |
13 |
46,26 |
141,37 |
Fevralın 11-nə olan rəsmi məzənnə 0,7863 AZN/USD təşkil edir.
