Azərbaycan, Bakı, 10 mart / Trend, müxbir A.Axundov /
Azərbaycan Dövlət Gömrük Komitəsi (DGK) fevralda gömrük rüsümları və vergilərin yığılması sayəsində dövlət büdcəsinə 78,28 milyon manat köçürüb. Trend-in məlumatına görə, bu barədə cümə günü DGK-nın saytında dərc olunan məlumatda deyilir.
Fevralda gömrük rüsumlarından daxilolmalar 44,62 milyon manat, idxal edilən malların ƏDV-si 28,7 milyon manat, aksizlər üzrə 3,96 milyon manat, yol vergisi üzrə 0,992 milyon manat təşkil edib.
Ümumilikdə, iki ay ərzində DGK dövlət büdcəsinə 156,07 milyon manat köçürüb.
2011-ci il üçün DGK xətti üzrə ödənişlərin proqnozu 1,14 milyard manat məbləğində müəyyənləşdirilib. 2012-ci il üzrə proqnoz 1,2 milyard manat təşkil edir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
