Azərbaycan, Bakı, 29 mart /Trend, müxbir A.Axundov /
Azərbaycan bankı "Pasha Bank" 2012-ci ildə beynəlxalq reytinq almaq niyyətindədir. Trend-in məlumatına görə, bu barədə bankın İdarə Heyətinin sədri Fərid Axundov bankın 2011-ci ildəki fəaliyyətinin yekunlarına həsr olunmuş mətbuat konfransında deyib.
"Biz ilin sonunadək nüfuzlu beynəlxalq reytinq agentliklərinin reytinqlərini almaq fikrindəyik", - Axundov deyib.
Onun sözlərinə görə, 2011-ci ildə bank beynəlxaql arenada öz fəaliyyətinin aktivləşdirib və Gürcüstanda gələcəkdə filiala çevriləcək ilk nümayəndəliyini açıb.
"Pasha Bank Georgia" filialı cari ilin sonunadək işə başlayacaq", - Avundov deyib.
Onun sözlərinə görə, beynəlxalq bazarlara çıxış xarici tərəfdaşlarla əlaqələrin genişləndirilməsi və möhkəmləndirilməsi, təcrübənin öyrənilməsi baxımından vacibdir.