Azərbaycan, Bakı, 19 aprel /Trend/
Azərbaycan Beynəlxalq Bankı (ABB) tərəfindən yeni pensiya kartlarının verilməsi prosesi yüksək səviyyədə təşkil olunub. Bu barədə cümə axşamı Trend-ə bankın mətbuat xidmətindən məlumat verilib.
Belə ki, Sabunçu rayonunun Maştağa qəsəbəsində yaşayan pensiyaçılara qəsəbədəki Mədəniyyət Evində, Zabratda bələdiyyənin binasında, Sabunçuda "Azərenerji" ASC-nin Mədəniyyət Evində, Bakıxanov qəsəbəsində isə bank tərəfindən icarə olunan binada verilir.
Ümumilikdə, Sabunçu filialı tərəfindən 9 minə yaxın yeni kart veriləcək. Bu proses gücləndirilmiş rejimdə həyata keçirilir və yaxın bir neçə gün ərzində başa çatacaq.
ABB-nin Sumqayıt filialı kartların verilməsi ilə bağlı gücə-gündüz rejimində işləyir.
Bankın digər filiallarında da yeni pensiya kartlarının verilməsi gücləndirilmiş rejimdə həyata keçirilir.