Azərbaycan, Bakı, 3 may /Trend, müxbir A.Axundov/
Mərkəzi Bank yanında fəaliyyət göstərən Azərbaycan İpoteka Fondunun (AİF) xətti ilə 2012-ci ilin yanvar-aprel aylarında 23 milyon manat və ya təqribən 30 milyon dollar məbləğində kredit verilib. Trend-in məlumatına görə, bu barədə cümə axşamı AİF-in saytında dərc edilən statistik hesabatda deyilir.
AİF-in xətti ilə maliyyələşdirməyə başlanandan - 2006-cı ildən 2012-ci ilin mayınadək - 368,86 milyon manat dəyərində ipoteka krediti ayrılıb.
2012-ci ilin yanvar-aprel ayları ərzində bankların əvvəllər ayırdığı kreditlərin yenidən maliyyələşməsinin ümumi həcmi 26,53 milyon manat təşkil edib.
Bu ilin dörd ayı ərzində AİF 11 milyon manat həcmində istiqrazlar yerləşdirib.