Azərbaycan, Bakı, 23 may /Trend, müxbir Ə.Həsənov/
Qara Dəniz Ticarət və İnkişaf Bankı (QDTİB) "Demirchi development business center"in tikinitisinin maliyyələşdirilməsi üçün "AGA Group Company"yə kredit təqdim edəcək. Bu barədə Trend-ə çərşənbə günü "AGA Group"dan bildiriblər.
"22 milyon dollar məbləğində olan kredit 7 il müddətinə veriləcək. Zamin bank qismində Azərbaycan bankı "Paşa Bank" çıxış edəcək", - şirkətdən deyiblər.
İmzalanma mərasimi mayın 29-da olacaq. Mərasimdə QDTİB-in vitse-prezidenti Mustafa Borat, "Paşa Bank" və "AGA Group Company"nin nümayəndələri iştirak edəcəklər.
