...

Əmlak Məsələləri Dövlət Komitəsi beşillik fəaliyyət planının hazırlığına başlayıb

Biznes və iqtisadiyyat xəbərləri Materials 18 İyun 2012 17:28 (UTC +04:00)

Azərbaycan, Bakı, 18 iyun /Trend, müxbir A.Axundov/

Azərbaycanın Əmlak Məsələləri Dövlət Komitəsi beşillik strateji planın hazırlığına başlayıb. Trend-in məlumatına görə, bu barədə bazar ertəsi komitənin nəşri olan "Mülkiyyət" qəzetində dərc edilən məlumatda deyilir.

Plan Dünya Bankının dəstəyi ilə həyata keçirilən "Daşınmaz əmlakın qeydiyyatı layihəsi" çərçivəsində beynəlxalq məsləhətçilərin iştirakı ilə hazırlanır. Bundan başqa, komitə bir il üçün fəaliyyət planının hazırlığına başlayıb.

"Bununla əlaqədar olaraq, komitə Avropanın bir sıra inkişaf etmiş ölkələrinin müvafiq strukturlarının fəaliyyəti və təcrübəsi ilə tanış olub", - məlumatda deyilir.

Strateji plan layihəsinə uyğun olaraq, komitə üçün 2012-2013-cü illərdə daşınmaz əmlakın qeydiyyatı, vahid kadastrı və dövlət əmlakının idarə edilməsi sahələrində planlaşdırma, resursların səfərbər olunması və maliyyələşdirmə, komitənin əsasnaməsi ilə müəyyən edilmiş fəaliyyətin icrası zamanı səmərəliliyin daha da artrılmasının dəstəklənməsi məqsədilə biznes planın hazırlanması və korporativ strategiyanın formalaşdırılması nəzərdə tutulub.

Strateji plan komitə tərəfindən xidmətlərin göstərilməsi (xidmət standartları daxil olmaqla), kadr resurslarının inkişafı, texniki planlar, İT strategiyaları, əsas vəzifələrə nail olmaq üçün ümumi maliyyələşdirmə variantları və ictimaiyyətə davamlı və qənaətcil xidmətlərin göstərilməsi sahəsində korporativ strategiyanın hazırlanmasını əhatə edəcək.

"Beşillik strateji plan və birillik fəaliyyət planı üzərində işi 12 ay ərzində başa çatdırmaq planlaşdırılır", - məlumatda deyilir.

Xəbər lenti

Xəbər lenti