Azərbaycan, Bakı, 22 iyun /Trend, müxbir Ə.Həsənov/
Abunəçilərin dayanıqlı və keyfiyyətli içməli su ilə təchiz edilməsi, həmçinin su itkilərinin qarşısını almaq məqsədilə Bakı şəhəri + 110 Şərq su anbarından Bakıxanov qəsəbəsinə çəkilmiş 4 kilometr uzunluğunda 800 mm diametrli magistral su xəttinin şəbəkəyə qoşulması işləri aparılır.
"Azərsu" ASC-nin mətbuat xidmətindən cümə günü Trend-ə verilən məlumata görə, bununla əlaqədar iyun ayının 22-23-də Sabunçu rayonunun Bakıxanov qəsəbəsinin bəzi yerlərinə - Sülh, M.Gəncəvi, Mehmandarov, N.İsmayılov, S.Qocayev, E.Xəlilov, S.Vurğun, M.Fətəliyev küçələrinə içməli suyun verilməsində fasilələr yaranacaq.
Yaranmış narahatlıqla əlaqədar "Azərsu" ASC abonentlərdən üzr istəyir.