Azərbaycan, Bakı, 8 oktyabr /Trend, müxbir İ.Xəlilova/
Dünya Bankının (DB) Cənubi Qafqaz üzrə regional direktoru Henri Keqerli Azərbaycan hökumətinə bu gün Bakıya gələn yeni menecer Larisa Leşenkonu təqdim edəcək.
Regional direktorun səfəri bu gün başlayıb, lakin rəsmi görüşlər oktyabrın 9-10-na planlaşdırılıb. Bu barədə bazar ertəsi Trend-ə bankın Bakı nümayəndəliyindən bildiriblər.
"Yeni menecerin vəzifəsinin icrasına rəsmən sentyabrın 1-dən başlamasına baxmayaraq, müxtəlif konfranslarda, o cümlədən ötən həftə Tokioda Azərbaycan üzrə görüşdə iştirak və qarşıdakı digər xidməti ezamiyyətlər (onlar arasında Gürcüstan da var) ilə əlaqədar Leşenko Azərbaycanda fəaliyyətinə noyabrın 1-dən başlayacaq", - nümayəndəlikdən qeyd ediblər.
Leşenkonun Bakıya carı səfəri oktyabrın 19-dək davam edəcək.
