Azərbaycan, Bakı, 10 noyabr /Trend, müxbir A.Axundov/
Azərbaycan "Meliorasiya və Su Təsərrüfatı" ASC Dünya Bankının (DB) "Azərbaycan Sudan İstifadəedənlər Birliklərinin İnkişafına Dəstək Layihəsi" (WUAP) çərçivəsində Zaqatala rayonunda suvarma kanallarının bərpası məqsədilə açıq tender elan edib. Trend-in məlumatına görə, bu barədə rəsmi mətbuatda dərc edilən məlumatda deyilir.
Müqavilə çərçivəsində beton və ya torpaq kanalların lildən təmizlənməsi, mövcud kanalların betonla üzlənməsi, suvarma kanallarında dağılmış hidrotexniki qurğuların bərpası və ya yeni qurğuların tikinitisi nəzərdə tutulur.
İddiaçılar tender sənədlərini (və əlavə nüsxələri) aşağıdakı ünvandan geri ödənilməmək şərti ilə 200 manat ödəməklə ala bilərlər: Bakı şəhəri, Moskva prospekti, 69 A, 4-cü mərtəbə. Əlaqə vasitələri: + 99412 430-32-48/430-32-80, faks: +99 412 431-65-16, e-mail: [email protected].
Təkliflər aşağıda göstərilən ünvana 12 dekabr 2012-ci il saat 15:00-dan gec olmayaraq təqdim edilməlidir: Bakı şəhəri, Ü.Hacıbəyov küçəsi, 40, Hökumət Evi, 5-ci mərtəbə, otaq 514.
Təkliflər açıldığı gündən etibarən 90 gün ərzində qüvvəsini saxlamalı və bütün təkliflər 30 000 manat sabit məbləğində müəyyən edilmiş təklif zəmanəti ilə müşayiət olunmalıdır.
Elektron təklif formalarına icazə verilmir.
