Azərbaycan, Bakı, 10 dekabr /Trend, müxbir A.Tağıyeva/
Türkiyənin kənd təsərrüfatı məhsulları üzrə dövlət şirkəti TİGEM 2012-ci ilin yanvar-sentyabr aylarında Azərbaycana 290 ton buğda ixrac edib. Trend-in məlumatına görə, bu barədə bazar ertəsi TİGEM şirkətinin saytında yerləşdirilən məlumatda deyilir.
Hesabat dövrü ərzində ən çox buğda ixracatı Sudana (9,3 min ton) edilib. Liviyaya isə 150 ton buğda tədarük edilib.
Qeyd edilən dövrdə şirkətin buğda ixracatından gəliri 50 milyon lirə təşkil edib. 2011-ci ildə isə bu rəqəm 30,1 milyon lirə olub.
