Azərbaycan, Bakı, 30 dekabr /Trend, müxbir E.İsmayılov/
"Meliorasiya və Su Təsərrüfatı" ASC Dünya Bankının (DB) "Azərbaycanın Sudan İstifadəedənlər Birliklərinin inkişafına dəstək layihəsi" (WUAP) çərçivəsində 88 traktorun təchizatı üçün açıq tender elan edib. Trend-in məlumatına görə, bu barədə bazar günü rəsmi mətbuatda dərc olunmuş məlumatda deyilir.
Məlumatda deyildiyi kimi, tenderin şərtlərinə uyğun olaraq, malların çatdırılma dövrü avans ödəniş tarixindən sonra 12 həftə ərzindədir.
Maraqlanan iddiaçılar ingilis dilində tender sənədlərinə 80 manat ödəniş həyata keçirməklə aşağıdakı ünvanda baxış edə bilərlər: Bakı, Moskva prospekti, 69 A, dördüncü mərtəbə. Əlaqə telefonları: + 99412 430-32-48/430-32-80, факс: +99 412 431-65-16, e-mail: [email protected]
İştirakçılardan tender təklifləri 2013-cü il, 22 fevral saat 15:00-dək Bakı şəhəri, Ü.Hacıbəyov küçəsi, 40, Hökumət evi, beşinci mərtəbə, otaq 514-də qəbul edilir.
Tender təkliflərinin açılışı 22 fevral saat 15:00-da keçiriləcək.