2013-cü ildə “AXA MBASK” icbari sığorta üzrə 500 min manata yaxın sığorta ödənişi edib

Azərbaycan, Bakı, 18 aprel /Trend/

"AXA MBASK" sığorta şirkəti nəqliyyat vasitələri sahiblərinin mülki məsuliyyətinin icbari sığortasına dair, qarşı tərəfin ölümü ilə nəticələnən sığorta iddiası üzrə sığorta ödənişi həyata keçirib. Bu barədə Trend-ə cümə axşamı şirkətdən daxil olan məlumatda bildirlir.

Sözügedən sığorta növünə aid ödəniş Baki-Qazax yolunda baş vermiş yol qəzası ilə bağlı olub. Qəza nəticəsində bir nəfər həlak olub, iki nəfər agır yaralanıb. "AXA MBASK" tərəfindən 13 000 manat məbləğində sığorta ödənişi zərər çəkən tərəfin qohumlarına verilib.

İlin əvvəlindən nəqliyyat vasitələri sahiblərinin mülki məsuliyyətinin icbari sığortası ilə bağli şirkət artıq 500 min manata yaxın sığorta ödənişi edib.

İcbari sığorta növləri şirkətin 5 regional ofisində və ölkənin müxtəlif bölgələrində fəaliyyət göstərən 70-dən artıq agentlikdə həyata keçirilir. Sığorta vəsiqələri isə İcbari Sığorta Növləri Bürosunun vahid məlumat sisteminə qoşulmaq şərtilə on line rejimində buraxılır.

İcbari sığortanın qaydaları və tarifləri barədə əlavə məlumatı www.icbari.az saytında əldə etmək olar.