...

AZAL Azərbaycanda yeddinci aeroportun tikintisi üçün ərazini müəyyənləşdirib

Biznes və iqtisadiyyat xəbərləri Materials 1 İyun 2013 13:43 (UTC +04:00)

Azərbaycan, Bakı, 1 iyun /Trend, müxbir E. İsmayılov/

Azərbaycanın şimalında yeni aeroprtun tikintisi üçün ayrılmış ərazidə yaxın vaxtlarda geoloji araşdırmalara başlanılacaq. Bu barədə şənbə günü Trend-ə "Azərbaycan Hava Yolları" QSC-nin (AZAL) vitse-prezidenti Etibar Hüseynov deyib:

"Demək olar ki, biz ərazini seçmişik və yaxın vaxtlarda müəyyən geoloji araşdırmalara başlanılacaq".

Yeni aeroportun tikintisinin reallaşdırılmasına başlanılması tarixi məsələsinə toxunan Hüseynov qeyd edib ki, bu, perspektivdə nəzərdə tutulub və işlər ölkə rəhbərliyinin müvafiq qərar qəbul etməsindən sonra başlaya bilər.

Qeyd edək ki, hazırda Azərbaycanda 6 beynəlxalq hava limanı fəaliyyət göstərir.

Məqalədə:
Xəbər lenti

Xəbər lenti