Azərbaycan, Bakı, 26 sentyabr /Trend, müxbir A.Axundov/
"Anglo-Asian Mining" şirkəti (Azərbaycanda qızıl istehsalçısı) Ekologiya və Təbii Sərvətlər Nazirliyinə Ordubadda yatağın işlənməsi və istehsalı üzrə proqramı təqdim edib. Trend-in məlumatına görə, bu barədə cümə axşamı şirkətin yaydığı xəbərdə deyilir.
Yataq ötən ilin əvvəlində Naxçıvan Muxtar Respublikasında 462 kvadratkilometr sahədə müqavilə ərazisində aşkar edilib və həmin ilin mayında şirkət bu barədə nazirliyi məlumatlandırıb. Yataq şirkətin 2010-2011-ci illərdə Ordubad şəhərində Piyazbaşı və Ağyurd ərazilərində apardığı kəşfiyyat işləri zamanı aşkar edilib.
2013-cü il iyunun 30-na olan məlumata görə, şirkət bu yataqda kəşfiyyat işlərinə 2,78 milyon dollar xərcləyib. Hazırda şirkət kiçik istehsalat potensialına malik qızıl yatağının mövcudluğunu təsdiq etmək üçün gələcək kəşfiyyat işlərinin aparılmasını planlaşdırır.
