Azərbaycan, Bakı, 19 dekabr /Trend, müxbir E.Əliyev/
Əmək və Əhalinin Sosial Müdafiəsi Nazirliyi Dünya Bankı (DB) ilə birgə sosial müdafiənin inkişafı layihəsi çərçivəsində Əmək Resurslarının İnkişafı Agentliyinin yaradılması üzrə işi davam etdirir.
DB-nin Bakı ofisinin rəhbəri Larisa Leşenkonun sözlərinə görə, müxtəlif sektorlarda peşəkar standartların olmaması təkcə işəgötürənlər və əməkdaşlar üçün problemlər yaratmır, həmçinin işədüzəltmə agentliyinin normal fəaliyyətinə əngəl törədir: "Bununla da bu vəziyyət əmək bazarına və iqtisadiyyatın bütün sahələrinə müxtəlif dərəcədə təsir edir".
O qeyd edib ki, təkcə peşəkar standartların formalaşdırılması deyil, həmçinin gələcəkdə onların tətbiqi heç də az əhəmiyyətli deyil: "Bizim layihəmiz çərçivəsində 200 belə standart yaradılıb. Eyni zamanda, iş davam edir və onların tətbiqi və Azərbaycanın kadr potensialının gələcək inkişafı məsələləri ilə məşğul ola biləcək xüsusi agentliyin yaradılması önəmlidir".
Əmək və əhalinin sosial müdafiəsi naziri Səlim Müslümovun sözlərinə görə, hazırda Əmək Resurslarının İnkişafı Agentliyinin yaradılması işçi qrupları səviyyəsində müzakirə edilir: "İşi davam etdirmək lazımdır. Biz düşüncülərimizi bazar iştirakçıları - həmkarlar konfederasiyası və işəgötürənlərlə bölüşəcəyik, onların fikirlərini dinləyəcəyik. Sonrakı mərhələdə isə yerli səviyyədə peşəkarların təsnifatı yaradılacaq, peşəkar standartların tətbiqi ilə gələcəkdə müvafiq sertifikatların işçilərə, akkreditə olunmuş şirkətlərə və birliklərə verilməsi mümkün olacaq".
