Azərbaycan, Bakı, 23 dekabr /Trend, müxbir A.Axundov/
Yaxın 5 ildə Azərbaycan xarici borcun səiyyəsini ÜDM-in 10 faizini ötməyən həddə saxlamağı planlaşdırır. Trend-in məlumatına görə, bu barədə maliyyə naziri Samir Şərifov bazar ertəsi Yeni Azərbaycan Partiyasının təşkil etdiyi "Azərbaycan 2013-2018-ci illər. Yeni hədəflərə doğru" konfransında çıxışında deyib.
Onun sözlərinə görə, bu gün ölkənin xarici borcu ÜDM-in 8,3 faizini təşkil edir: "Dünyada ÜDM-in 40 faizi göstəricisi əlverişli praktika hesab edilir, bəzi inkişaf etmiş ölkələrdə o, 70-80 faizə çatır".
S.Şərifovun sözlərinə görə, ölkənin xarici borcu Azərbaycan üçün sərfəli şərtlərlə uzun müddətə cəlb olunan beynəlxalq maliyyə institutlarının kreditləri hesabına formalaşır.