...

"Azərsu": Azərbaycanda su təchizatı tariflərinin artacağı gözlənilmir

Biznes və iqtisadiyyat xəbərləri Materials 10 Aprel 2014 14:06 (UTC +04:00)
Azərbaycanda su təchizatı tariflərinin artacağı gözlənilmir. Trend-in məlumata görə, bu barədə cümə axşamı jurnalistlərə "Azərsu" ASC-nin sədri Qorxmaz Hüseynov deyib.
"Azərsu": Azərbaycanda su təchizatı tariflərinin artacağı gözlənilmir

Azərbaycan, Bakı, 10 aprel /Trend, müxbir A.Axundov/

Azərbaycanda su təchizatı tariflərinin artacağı gözlənilmir. Trend-in məlumata görə, bu barədə cümə axşamı jurnalistlərə "Azərsu" ASC-nin sədri Qorxmaz Hüseynov deyib.

Q.Hüseynov bildirib: "Tariflərin bugünkü səviyyəsi müəssisənin gəlirli işi üçün yetərlidir".

Onun sözlərinə görə, əhalidən ödənişlərin yığım səviyyəsi kifayət qədər yüksəkdir və 94 faiz təşkil edir: "Bu gün problem başqadır: biz istehsal olunan suyun 40 faizdən azacıq çoxunu sata bilirik, itki 56 faiz təşkil edir. Bunun əsas səbəbləri yenilənmə tələb edən köhnə infrastrukturun işi ilə bağlıdır, eləcə də əhalinin su üçün çənlərdən gündəlik istifadəsidir. İçməli suyun verilməsində tədricən fasiləsiz rejimə keçməklə biz bu çənlərin istifadədən çıxarılacağına nail olacağıq. Biz bu istiqamətdə Bakı Şəhər İcra Hakimiyyəti və Fövqəladə Hallar Nazirliyi ilə işləyirik".

2011-ci il yanvarın 1-dən Bakı, Sumqayıt, Mingəçevir, Şirvan, Xırdalan və Abşeron rayonunun sakinləri üçün ƏDV nəzərə alınmaqla suyun hər kub metrinə görə qiyməti 0.30 manat təşkil edir (əvvəlki tarif 0,18 manat). Digər rayonlarda isə bu tarif 0, 25 manat təşkil edir. Sayğacı olmayan abonentlər üçün isə aylıq norma 6 kub metrdən 5 kub metrə endirilib.

Məqalədə:
Xəbər lenti

Xəbər lenti