Azərbaycan, Bakı, 16 may/Trend, müxbir E. Əliyev/
Azərbaycan hökumətinin beynəlxalq kredit və maliyyə təşkilatları ilə imzaladığı kredit sazişlərinin həcmi 2014-cü ilin əvvəlinədək 12 milyard dollar olub. Trend-in məlumatına görə, bunu cümə günü maliyyə naziri Samir Şərifov Milli Məclisin plenar iclasında "2013-cü il dövlət büdcəsinin icrası haqqında" qanunun müzakirəsi zamanı deyib.
Onun sözlərinə görə, Azərbaycanın artıq istifadə edilmiş xarici dovlət borcu 6,1 milyard dollardır: "Bununla belə, xarici öhdəlikləri yerinə yetirmək üçün 2013-cü il dövlət büdcəsindən 728 milyon manat ayrılıb".