Azərbaycan, Bakı, 4 avqust /Trend/
Böyük Britaniyanın "The Banker" jurnalının reytinqinə əsasən, Azərbaycan Beynəlxalq Bankı (ABB) dünyanın ən iri və dayanıqlı 1000 bankı siyahısında kapitalın həcminə görə 776-cı yeri alıb. Trend-in məlumatına görə, bu barədə bazaar ertəsi bankdan daxil olan xəbərdə deyilir.
Əvvəlki reytinqlə müqayisədə ABB 134 pillə irəliləyib. Aktivlərin həcminə görə ABB 722-ci, kapitalın yetərliliyi əmsalına görə 546-cı, kapitalın gəlirliliyinə görə 447-ci, aktivlərin gəlirliliyinə görə 520-ci yeri tutub.
"The Banker" jurnalı "The Financial Times" LTD-yə məxsusdur.