Azərbaycan, Bakı, 13 avqust/Trend, müxbir Emil İsmayılov/
"Bakı Metropoliteni" QSC 2015-ci ildə "Bənövşəyi" xəttin ilk iki stansiyasını - "Avtovağzal" və "Memar Əcəmi 2"-ni istismara verməyi planlaşdırır. Bunu çərşənbə günü Trend-ə QSC-nin İctimaiyyətlə əlaqələr şöbəsinin müdiri Nəsimi Paşayev deyib.
Onun sözlərinə görə, bütün işlər qrafikə uyğun aparılır və stansiyaların tikintisində, istismara verilməsində heç bir problem yoxdur.
Bununla belə, o, stansiyaların istifadəyə verilməsinin dəqiq tarixini açıqlamaqda çətinlik çəkib.
Qeyd edək ki, "Bənövşəyi" xətt 12 stansiyadan ibarətdir və Beynəlxalq Avtovağzal Kompleksinin ərazisindən başlayaraq Qaraçuxur qəsəbəsinədək davam edəcək. QSC ilk 5 stansiyanı yaxın 5 il ərzində istismara verməyi planlaşdırır.
