Azərbaycan, Bakı, 4 sentyabr /Trend, müxbir Emil İsmayılov/
Azərbaycanda yeni Beynəlxalq Dəniz Ticarət Limanının yaradılması çərçivəsində tikilən bərə terminalı 2014-cü ilin payızında istismara veriləcək. Bunu cümə axşamı Trend-ə Nəqliyyat Nazirliyindəki mənbə deyib.
Yeni liman Ələt qəsəbəsində tikilir.
Onun sözlərinə görə, yeni dəniz limanının layihəsi ölkənin nəqliyyat sektoru üçün böyük əhəmiyyət kəsb edir: "Bu vacib layihə çərçivəsində tikinti işləri davam edir. İlkin məlumata görə, yeni limanda konteyner limanının istismara verilməsi bu il sentyabrın sonu - oktyabrın əvvəlinə təsadüf edəcək".
Qeyd edək ki, yeni beynəlxalq limanın tikintisinə 2010-cu ilin noyabrında başlanılıb.