Azərbaycan, Bakı, 16 sentyabr /Trend, müxbir Rufiz Hafizoğlu/
Türkiyənin "TAV Havalimanları Holdinq"i (1976-cı ildə yaradılıb) Sabiha Gökçen adına İstanbul aeroportunda "Limak Grub" şirkətinin 40 faiz iştirak payını əldə edəcək. Şirkətlər arasında alış-satış haqqında müvafiq müqavilə imzalanıb. Bu barədə Trend "TAV Havalimanları Holdinq"in məlumatına istinadən xəbər verir.
Məlumata görə, mülkiyət hüququnun verilməsindən sonra "TAV Havalimanları Holding" və "Malaysia Airports" (60 faiz iştirak payının sahibi) Sabiha Gökçen adına İstanbul aeroportunu birgə idarə edəcəklər.
2001-ci ildə tikilən aeroportun idarə edilməsini "Limak-GMR-Malaysia Airports" şirkətlər konsorsiumu həyata keçirir.
