Azərbaycan, Bakı, 22 sentyabr /Trend, müxbir Azad Həsənli/
Sentyabrın 23-də Dünya Bankının (DB) layihə qrupunun rəhbəri Ylizabet Yanqın rəhbərlik etditi missiya "Regional yollar" layihəsi üzrə hazırlıq işlərinin davam etdirilməsi üçün Bakıya gəlir. Bu layihənin həyata keçirilməsi üçün bank 250 milyon dollaradək vəsait ayırmağı planlaşdırır. Bu barədə bazar ertəsi Trend-ə DB-nin Bakıdakı nümayəndəliyindən məlumat verilib.
Mənbənin sözlərinə görə, missiya Bakıya layihənin hazırlanması çərçivəsində əsas tərəfdaşlarla danışıqlar aparmaq üçün gəlir. Səfər oktyabrın 3-dək davam edəcək.
Bankın ofisindən bildiriblər ki, layihəyə hazırlığın 2014-cü ilin sonuna qədər başa çatacağı gözlənilir. Layihə bankın Direktorlar Şurasında 2015-ci ilin iyununda başa çatacaq builki maliyyə ilində təsdiqlənəcək.
Nümayəndəlikdən deyiblər ki, layihə 4 il ərzində həyata keçiriləcək.
Artıq sentyabrın 10-dan 18-dək bankın ölkədəki yol layihələrinin rəhbəri Jak Bürenin rəhbərlik etdiyi missiyası Bakıda olub. Missiya "Regional yollar" layihəsini qiymətləndirilməsini həyata keçirib.
