...

Azərbaycan və BƏƏ birgə müəssisələr yaratmaq istəyirlər

Biznes və iqtisadiyyat xəbərləri Materials 18 Noyabr 2014 17:09 (UTC +04:00)

Azərbaycan, Bakı, 18 noyabr /Trend, müxbir Maksim Tsurkov/

Azərbaycan və Birləşmiş Ərəb Əmirlikləri (BƏƏ) prioritet olan sektorlarda birgə müəssisələrin yaradılması məqsədilə öz biznes cəmiyyətlərinin, eləcə də özəl və dövlət müəssisələrinin, habelə peşəkar qurumlarının fəaliyyətinin təşviqi və lazımi dəstək göstərilməsi məsələsində razılıq əldə ediblər.

Trend xəbər verir ki, bu barədə iqtisadi, ticarət və texniki əməkdaşlıq üzrə Azərbaycan-BƏƏ birgə hökumətlərarası komissiyasının beşinci iclasının yekunları üzrə imzalanmış protokolda deyilir.

Sənəddə qeyd olunur ki, tərəflər iqtisadi münasibətlərin yeni səviyyəyə çıxarılması və gələcək əməkdaşlıq imkanlarının araşdırılması niyyətindədirlər.

Həmçinin, BƏƏ-nin mineral su və təbii daşların ixracında maraqlı olan şirkətinin nümayəndələrinin Naxçıvan Muxtar Respublikasına səfəri gözlənilir.

Habelə, Əmirliklərinin şirkətləri investisiya imkanlarının öyrənilməsi məqsədilə Sumqayıt Kimya-Sənaye Parkına səfərə dəvət olunublar.

Məqalədə:
Xəbər lenti

Xəbər lenti