Azərbaycan, Bakı, 12 may /Trend, müxbir Azad Həsənli/
Azərbaycana xarici mütəxəssislərin cəlb edilməsi mexanizmi üzrə layihənin hazırlanması iki ay ərzində yekunlaşacaq.
Bu barədə Trend-ə Əmək və Əhalinin Sosial Müdafiəsi Nazirliyinin Məşğulluq siyasəti və əmək bazarının tənzimlənməsi şöbəsinin müdiri Vahab Məmmədov deyib.
Onun sözlərinə görə, bu mexanizm çərçivəsində bürokratik prosedurları azaltmaq, əcnəbilər üçün iş icazəsinin müddətini (hazırda 1 ildir) artırmaq planlaşdırılır.
V.Məmmədov qeyd edib ki, bu mexanizm yerli əhali arasına işsizliyin artmasına səbəb olmayacaq: "Çünki söhbət yüksəkixtisaslı əcnəbi işçi qüvvəsindən gedir. Biz yeni texnologiyaların tətbiqi üzrə tələbat yaranacaq mütəxəssisləri cəlb edəcəyik. Hər il xaricilər üçün kvotanı azaldırıq ki, əmək bazarına daha çox milli kadrları cəlb edək".