Bakı. Elçin Hüseynov - Trend:
Neft qiymətləri 2016-cı ilin sonuna bir barrel üçün 50 dolları ötməlidir. Trend RİA Novosti-yə istinadən xəbər verir ki, bu barədə "LUKoyl" neft şirkətinin prezidenti Vahid Ələkbərov bəyan edib.
O hesab edir ki, bu günlərdə neft qiymətləri 45-55 dollar diapazonunda satılacaq: "İlin sonunda isə biz qiymətlərin bu rəqəmi üstələdiyinin şahidi ola bilərik".
Dünya birjalarında bu gün "Brent" markalı neftin bir barelinin iyul fyuçerslərinin qiyməti 49,11 dollara satılır.