...

"Şahdəniz 2" çərçivəsində yeni müqavilə imzalandı

Biznes və iqtisadiyyat xəbərləri Materials 19 Noyabr 2016 12:37 (UTC +04:00)
“Şahdəniz” qaz yatağında aparılan işlərin ikinci mərhələsi çərçivəsində “Saipem Contracting Netherlands B.V.” şirkəti Lighthouse şirkətinin Azərbaycan filialı ilə müqavilə imzalayıb
"Şahdəniz 2" çərçivəsində yeni müqavilə imzalandı

Bakı. Azad Həsənli - Trend:

“Şahdəniz” qaz yatağında aparılan işlərin ikinci mərhələsi çərçivəsində “Saipem Contracting Netherlands B.V.” şirkəti "Lighthouse" şirkətinin Azərbaycan filialı ilə müqavilə imzalayıb. Trend-in şirkətin saytına istinadən veridiyi məlumata görə, müqavilə dörd il müddətinə bağlanıb.

Bu müqavilə daha əvvəl imzalanmış və 2017-ci ilin sonunda başa çatacaq müqavilənin davamı olacaq və 2022-ci ilədək davam edəcək.

Qeyd edək ki, 1,2 trilyon kubmetr qaz ehtiyatına malik “Şahdəniz” yatağının istifadəsi üçün müqavilə 1996-cı ildə imzalanıb.

Bu müqavilədə pay sahibləri: 28,8 faizlə operator, 10 faizlə "AzSD", 6,7 faizlə "SGC Upstream", 15,5 faizlə "Petronas", 10 faizlə "Lukoil", 10 faizlə "NICO" və 19 faizlə "TPAO" şirkətləridir.

“Şahdəniz 2” yatağında işlərin dəyəri 28 milyard dollar həcmində qiymətləndirilir.

Məqalədə:
Xəbər lenti

Xəbər lenti