...

Bakıda "Şimal-Cənub" dəhlizi üzrə işçi qrupunun dördtərəfli görüşü keçirilir (FOTO)

Biznes və iqtisadiyyat xəbərləri Materials 7 Noyabr 2017 10:13 (UTC +04:00)
Azərbaycan, Rusiya, Belarus və İran dəmir yolları arasında "Şimal-Cənub" Beynəlxalq Nəqliyyat Dəhlizinin qərb istiqamətinin inkişafı üzrə işçi qrupunun dördtərəfli görüşü keçirilir.
Bakıda "Şimal-Cənub" dəhlizi üzrə işçi qrupunun dördtərəfli görüşü keçirilir (FOTO)

Bakı. Maksim Tsurkov - Trend:

Bakıda Azərbaycan, Rusiya, Belarus və İran dəmir yolları arasında "Şimal-Cənub" Beynəlxalq Nəqliyyat Dəhlizinin qərb istiqamətinin inkişafı üzrə işçi qrupunun dördtərəfli görüşü keçirilir.

Trend-in məlumatına görə, görüşdə "Azərbaycan Dəmir Yolları" QSC-nin sədr müavini İqbal Hüseynov, "Rusiya Dəmir Yolları" ASC-nin vitse-prezidenti Vyaçeslav Pavlovski, Belarus Dəmir Yolları rəisinin birinci müavini İqor Şilov və İran Dəmir Yolu İdarə Heyətinin üzvü Hüseyn Aşuri iştirak edirlər.

Tədbirdə “Belarus-Rusiya-Azərbaycan-İran marşrutu üzrə razılaşdırılmış tarif siyasətinin formalaşdırılması və vaqon daşımalarında rəqabətədavamlı tariflərin yaradılması”, “Şimal-Cənub" Beynəlxalq Nəqliyyat Dəhlizi ilə Belarus-Rusiya-Azərbaycan-İran istiqamətində vaqon və konteynerlərin daşınma imkanlarının araşdırılması", "Belarus-Rusiya-Azərbaycan-İran marşrutu üzrə öz hərəkət heyəti parkına aid vaqonlardan istifadə qiymətinin təyin edilməsi”, həmçinin inventar parkına aid vaqonların bu marşruta cəlb edilmə imkanlarının araşdırılması və digər məsələlər müzakirə edilir.

İki gün davam edəcək tədbirin sonunda bir sıra sənədlərin imzalanması gözlənilir.

Məqalədə:
Xəbər lenti

Xəbər lenti