Bakı. Maksim Tsurkov - Trend:
Azərbaycan Dövlət Neft Fondu (SOFAZ) ofis kimi ənənəvi daşınmaz əmlak növlərinə investisiyaları dayandırmağı və tələbə evləri, tibb müəssisələri kimi alternativ daşınmaz növlərinin payını artırmağı planlaşdırır.
Bu barədə Trend-ə Fonddan məlumat verilib.
Məlumatda qeyd olunur ki, 2015-ci ildən başlayaraq Fond öz diqqətini xarici daşınmaz əmlak fonduna kapital qoyuluşuna yönəldib:
“Alternativ daşınmaz əmlak növlərinə böyük tələbat var və bu əmlak resessiya dövrlərində daha dayanıqlıdır. SOFAZ-ın planlarına obyektlərin dəyəri və icarə faizlərinin artırılması məqsədilə birbaşa cari investisiyaların aktiv idarə olunması daxildir”.
Bundan başqa qeyd olunub ki, Fond tərəfindən birbaşa investisiyalar şəklində yeni daşınmaz əmlak obyektlərinin alınması yaxın gələcəkdə nəzərdə tutulmur.