2005-ci ildə Azərbaycanın sığorta şirkətlərinin vəsaiti 100 ABŞ dollarına mln çata bilər. Trend agentliyinin məlumatına əsasən, bu barədə Azərbaycanda Türk İş Adamları Assosiasiyasında (ATİB) keçirilən sığorta bazarının təqdimat mərasimində ATİB-in maliyyə sektorunnu rəhbəri, Azərbaycan Sığortaçılar İttifaqının prezidenti, Beynəlxalq Sığorta Şirkətinin başçısı Xəyal Məmmədxanlı bildirib. 2004-cü ildə analoji göstərici $67 mln təşkil
edib.
"Bu il sığorta şirkətlərinin daxilolmalarının minimal artımı 20-30% təşkil edib. Bununla belə bazarda qeyri-standart vəziyyət qalmaqdadır ki, bu zaman insan həyatının sığortalanmasına daxilolmaların 10%-i, digər sığorta növlərinə isə 90% düşür", - deyə X.Məmmədxanlı bildirib.
Onun sözlərinə görə, hazırda Azərbaycanın sığorta bazarında həm sovet sığorta sisteminin, həm də müasir Avropa sisteminin elementləri mövcuddur. "Bununla belə, bazar inkişaf edir və regionda ən iri bazardır. Beynəlxalq Sığorta Şirkəti 30-40%-lıq artıma və $30 mln səviyyəsində daxilolmalara ümid edir", - deyə X.Məmmədxanlı bildirib.
...