...

CARİ İLİN 6 AYI ƏRZİNDƏ AZƏRBAYCANDA ÜDM ÜZRƏ ARTIM 16,5% TƏŞKİL EDİB

Biznes və iqtisadiyyat xəbərləri Materials 12 İyul 2005 14:08 (UTC +04:00)

İyulun 12-də Azərbaycanın İqtisadi İnkişaf Nazirliyi (İİN) cari ilin ilk altı ayında əldə olunmuş iqtisadi inkişafın yekunlarına həsr olunmuş İİN-i Kollegiyasının iclasını keçirib. Trend in məlumatına görə, iqtisadi inkişaf naziri Fərhad Əliyev qeyd edib ki, cari ilin ilk 6 ayı ərzində Azərbaycanda ÜDM üzrə artım 16,5% təşkil edib.

Əsas kapitala yönəldilmiş sərmayələrin artımı 10,3%, təşkil edib. Cari ilin yanvar-iyun aylarında sənaye istehsalının artımı 20,1%, kənd təsərrüfatı istehsalı məhsullarının artımı 4,8 % təşkil edib.

Bu dövr ərzində Azərbaycanda orta aylıq əmək haqqı 25,9% artaraq 561 min manat təşkil edib.

Beynəlxalq Valyuta Fondunun proqnozlarına görə, cari il ərzində Azərbaycanda ÜDM artımı 19% təşkil edəcək.

F. Əliyev həmçinin qeyd edib ki, ölkədə əhalinin yoxsulluq göstəricilərini azaltmaq mümkün olub və hazırda respublikada yoxsul əhali 40,2% təşkil edir ki, əvvəllər bu göstərici 49%-ə bərabər idi.

Xəbər lenti

Xəbər lenti