Avqustun 9-11-də Pakistanın Kəraçi şəhərində keçiriləcək İnformasiya və Kommunikasiya sərgisində Azərbaycandan olan sahibkarlar da iştirak edəcəklər.
Bu barədə Trend ə Azərbaycan Sahibkarlar Konfederasiyasından (ASK) bildirilib. Məlumatda sərgi çərçivəsində informasiya və kommunikasiya sahəsində ən son yeniliklərə həsr olunmuş konfransın da keçiriləcəyi qeyd olunub.
Hazırda Kəraçiyə yollanacaq azərbaycanlı sahibkarların siyahısı dəqiqləşdirilir.ASK-nın təşkilatçılığı ilə hər iki tədbirdə iştirak edəcək azərbaycanlı sahibkarlar informasiya və kommunikasiya sahəsində yeni biliklər əldə edəcək, təcrübə mübadiləsi aparacaqlar. Məlumatda, sərgi və konfransın Asiya İnformasiya Texnologiyaları Ticarət Şəbəkəsi tərəfindən təşkil olunduğu bildirilib.
...
