...

Azərbaycanda pambıq yığımı başa çatmaq üzrədir

Biznes və iqtisadiyyat xəbərləri Materials 2 Noyabr 2005 11:22 (UTC +04:00)

Azərbaycanda pambıq yığımı başa çatmaq üzrədir. Trend in xəbər verdiyi kimi, Dövlət Statistika Komitəsinin operativ məlumatlarına əsasən, oktyabrın 31-nə olan vəziyyət üzrə ölkədə 176,6 min ton pambıq yığılıb ki, bu da keçən ilin analoji dövrü ilə müqayisədə 50,6 min ton çoxdur.

İlkin məlumatlara görə, hər hektardan 15,6 sentner pambıq yığılıb. Lakin bir sıra rayonlarda bu rəqəm ümumrespublika göstəricisini keçib. Beləliklə, Bərdə rayonunda 1 ha sahədən 21 sentner, İmişlidə - 19,9 sentner, Saatlıda - 19,1 sentner, Beyləqanda - 18,1 sentner, Tərtərdə - 17,6 sentner pambıq yığılıb.

Saatlıda ümumi pambıq yığımı 34 min ton, Sabirabadda - 17,9 min ton, İmişlidə - 17,3 min ton, Bərdədə - 14,8 min ton, Biləsuvarda - 14,5 min ton təşkil edib.

Xəbər lenti

Xəbər lenti